Latest News

AHATA Excellence Awards 2019

AHATA Excellence Awards is the official tourism industry award recognizing outstanding people working in our Tourism Industry. Aruba tourism’s spectacular award dinner, will take place on November 23rd, 2019.


AHATA Excellence Awards dia 23 di November 2019

Anualmente AHATA ta organiza su AHATA Excellence Awards pa honra e empleadonan excepcional den turismo. E aña aki e ganadornan lo keda anuncia den un evento espectacular riba 23 di November na The Ritz-Carlton, Aruba. Durante un conferencia di prensa, CEO y Presidente di Aruba Hotel & Tourism Association Tisa LaSorte a informa cu AHATA ta presenta e programa di Excellence Awards pa por honra tur e personanan dedica cu ta labora den e sector di turismo y celebra esun cu ta destaca mas cada aña.

Turismo ta e unico pilar economico di nos economia y no por tin un sector exitoso sin cu e empleadonan hasi nan trabao cu orguyo y debidamente, y duna un servicio di excelencia. AHATA ta spera cu e Awards ta demostra na nos hobennan cu tin carera exitoso y personanan cu dedicacion y passion den e industria di hospitalidad y turismo.

“E sector aki ta ofrece e cantidad di empleo mas grandi na Aruba, den sector priva”, segun LaSorte, kende a sigui bisa cu miembronan di AHATA ta emplea como 10,000 persona local. Pa 2019 AHATA su miembronan a nomina 57 di nan miho empleadonanan pa e honor di AHATA Excellence Awards. Tres hurado professional, independiente y imparcial a evalua tur aplicacion cu a drenta na AHATA y a entrevista cada nominado. A base di criterianan specifico di cada categoria, ta selecta e 8 ganadornan. AHATA lo premia cada ganado cu un escultura original y simbolico di artista local Gilbert Senchi.

E categorianan pa 2019 ta: Employee of the year, Supervisor of the year, Manager of the year, Young Professional of the Year y Sustainability Champion. Un reconocimento especial lo ta pa duna un premio pa Lifetime of Service na un individuo cu a destaca den su carera den e sector pa mas di 25 aña.

AHATA ta gradici e sponsor principal De Palm Corporation pa un biaha mas haci e cena ceremonial di AHATA Excellence Awards posibel. Caribbean Mercantile Bank pa un donacion generoso na e fondo di educacion, y The Ritz-Carlton, Aruba y Tropical Bottling pa nan sosten na e evento aki.

Posted on Nov 19, 2019