AHATA Excellence Awards honored the best and presented the awards to the winners. There were eight categories and 57 nominees.
AHATA Excellence Awards 2019 a reconoce e miho nan den turismo
Aruba Hotel & Tourism Association (AHATA) a tene nan AHATA Excellence Awards anual pa reconoce e empleadonan mas impresionante den sector di turismo. Miembronan di AHATA ta emplea como 10,000 persona local, y pa 2019 nan a nomina 57 di nan miho empleadonan pa e honor di AHATA Excellence Awards. E ganadornan a keda anuncia den un evento espectacular cu a tuma lugar Diasabra anochi na The Ritz-Carlton, Aruba.
CEO di AHATA, Tisa LaSorte a ricibi tur nominado, invitado y Minister di Turismo, Danguillaume Oduber, tabata presente pa yuda reconoce e empleadonan impresionante. Nominadonan a sinta hunto cu nan famia, coleganan y gerente pa gosa di un anochi espectacular, yen di aprecio pa nan contribucion na e exito di Aruba su turismo. Durante palabranan oficial di bonbini, CEO di AHATA Tisa LaSorte a informa cu e programa di Excellence Awards ta pa honra e personanan cu ta labora cu pasion den e sector y cu ta importante pa cada nomindo sinti e aprecio. Turismo ta e unico pilar economico di nos economia y no por tin un industria exitoso sin cu e empleadonan haci nan trabao cu orguyo y duna un servicio di excelencia. A gradici sponsors cu a haci e anochi posibel y e 3 huradonan pa nan trabou di evalua tur aplicacion cu a drenta y entrevista cu cada nominado. A base di criterianan specifico di cada categoria, a selecta e 8 ganadonan.
Maestro di Ceremonia, Larissa Bermudez, a guia e anochi yamando cada nominado riba escenario pa ricibi su certificado mientras a pasa un video di cada nominado. Durante e evento yena cu suspenso a anuncia e siguiente ganadonan:
AHATA a premia cada ganado cu un escultura original y simbolico di artista local Gilbert Senchi. E ganadonan di AHATA Excellence Awards 2018 a regresa pa haci entrega di e award na e ganadonan di e aña aki.
Posted on Nov 25, 2019