Latest News

Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna y CEO di AHATA, Tisa LaSorte, ta raporta cu den luna di April e grado di ocupacion ta menos cu 2019, pero e balor averahe di cada camber bendi a aumenta y consecuentemente e RevPAR ta mas halto.

APRIL 2023:

Ocupacion: E grado di ocupacion tabata 79.3%; cual ta 1.2% menos cu grado di ocupacion na April 2022.

ADR: E balor averahe di cada camber bendi tabata $350.58; un aumento di 8.5% compara cu April 2022.

RevPAR: E entrada averahe pa tur camber disponibel tabata $278.14 cual ta un crecemento di 7.2% compara cu April 2022. RevPAR ta e indicador principal di e resultado financiero prome cu desconta gastonan operacional y impuesto.

JANUARI – APRIL 2023: Na 2022 Aruba su turismo tabata tin efecto di COVID riba turismo di Januari pa Maart.

Ocupacion: E ocupacion averahe di prome 4 luna tabata 82%; un aumento di 23.5% compara cu e mesun temporada na 2022.

ADR: E balor averahe di cada camber bendi tabata $393.59; cual ta 14% mas cu mesun temporada na 2022.

RevPAR: E RevPAR averahe di prome 4 luna tabata $324.48; 40.7% mas compara cu e mesun temporada na 2022.

PROYECCION: 

 Proyeccion actual pa ocupacion averahe di hotel pa Mei ta 77%, Juni ta 74%, y Juli ta 78%. Expectativa pa ful aña 2023 su ocupacion ta 77%, cual ta representa un reduccion di 9% compara cu e averahe di aña 2019.

TIMESHARE:

Ocupacion na propiedadnan Timeshare tabata 86% na April.

Hotel miembro di AHATA: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Embassy Suites by Hilton Aruba, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Ocean Z Hotel, Paradera Park, Radisson Blu Aruba, Rehoboth Peaceland Boutique Hotel, Renaissance Wind Creek Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel. 

Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club, The Mill Resort.

Vacation rental miembro di AHATA: Aramis Real Estate, Aruba’s Life Vacation Residences, Casiola Aruba, Cobalt Blue Fusion (Blue, Azure), Ford Property Management, Turibana Plaza, Santa Lucia Landhuis.