Latest News

Launch of Ami Ta Turismo Campaign

AHATA announces the launch of its campaign ‘Ami ta Turismo’. This campaign was created with the purpose to create awareness within the community of the opportunities and benefits of working in the hospitality and tourism industry. The campaign captures a variety of job profiles featuring our locals as brand ambassadors and highlighting their successful career journeys in the industry.

Ami Ta Turismo campaign:

As of February 27th, 2020 every Tuesday and Thursday on AHATA's social media platforms, website and via the different local media platforms clips will be featured. We thank AHATA member HR departments for their participation and collaboration. For more information click here.



AHATA ta lansa campaña di conscientisacionAmi Ta Turismo’

 Aruba Hotel & Tourism Association (AHATA) ta lansa su campaña ‘Ami Ta Turismo’ cu e meta pa motiva personanan local pa aplica pa un trabou den e sector. E industria di hospitalidad y turismo di Aruba ta e pilar cu ta sostene nos economia y finansa di Gobierno. Empleo y forsa laboral ta un factor crucial pa mantene un nivel di servicio halto y exitoso di nos pais como destinacion turistico. Sinembargo, tin hopi vacatura habri pa hopi tempo sin haya candidato adecua. Cu e campaña aki AHATA kier conscientisa y motiva comunidad y specialmente hobennan pa amplia nan interes pa un carera den e sector mirando e diferente oportunidadnan y beneficionan cu bo por tin.

A lansa e campaña ‘Ami Ta Turismo’ na 2017 y awo na 2020 a bolbe introduci esaki den un formato nobo. AHATA ta lansa un serie di video na Papiamento unda 15 embahador local lo papia cu pasion di nan carera exitoso den sector hotelero y nan dedicacion na turismo. Na final nan ta duna conseho y mensahe pa esunnan cu tin interes pa traha den nos industria.

CEO di AHATA Tisa LaSorte a elabora; ‘Pa sigui mantene un industria exitoso mester tin empleadonan cualifica cu pasion y interes den duna servicio di calidad. AHATA a realisa cu falta informacion di e posibilidad cu tin den turismo pa un carera satisfactorio y exitoso. Cu e campaña aki nos lo kier duna mas claridad di e diferente oportunidad cu tin y e amor pa trabou cu ta biba den e sector.

Cada video ta na Papiamento y ta capta e empleadonan den turismo cu ta transmiti nan energia y con orguyoso nan ta di nan carera. Nos ta gradici e miembronan di AHATA cu nan participacion den e campaña. E prome fase ta enfoca riba e sector hotelero y fase dos despues lo amplia riba otro perfil di trabou den e sector.’ 

Minister di Turismo, Danguillaume Oduber, tabata presente na e ocacion aki y a elabora; ‘Aruba ta conoci pa su hospitalidad y su servicio hopi halto, e amabilidad di nos hendenan ta un di e carateristicanan hopi fuerte cu Aruba tin. Minister a felicita AHATA pa e initiativa; e projecto aki ta importante pa ilustra na esnan cu ta buscando trabou e importancia di contribui na nos industria di turismo. Ta importante pa sigui mantene e nivel halto di servicio y Minister ta gradici tur cu ta lobora den turismo y ta aporta na Aruba su desaroyo.’

Desde 27 di Februari riba diamars y diahuebs lo introduci un embahador cu ta traha den un di e siguiente departamentonan: Casino, Sales & Marketing, Food & Beverage, Guest Services, IT, Housekeeping, Groups & Wedding, Human Resources, Sustainability y Loss Prevention. Por sigui e campaña riba plataformanan social di AHATA, ahata.com, y diferente medio di prensa. Na April lo sigui cu videonan ilustrando e perfil di trabou cu bo por eherce den e sector hotelero.

Riba e pagina; ‘Careers’ di ahata.com, tin un lista di e diferente vacaturanan disponibel bou miembronan di AHATA. Tur siman por bishita e pagina pa ‘updates’ di vacaturanan nobo. 

E industria di hostpitalidad y turismo ta dinamico, ta ofrece trabou pa diferente personalidad y talento. Turismo mester di Bo, aplica awe mes y cuminsa un carera nobo y exitoso!

Pa mas informacion click aki.

Posted on Feb 27, 2020